الحمد للمعبود راع الحساني
فضايله ماله عدد واحصيانا
بالمملكة خيم علينا الأماني
من يوم أبوتركي تحيزم وجانا
عبدالعزيز اللي علا له حصاني
ما ارتاح ياما كف كل قبلانا
وأرسى حدود المملكة بكملاني
وحتى البحر بحدودنا صار مانا
وصارت قبايل نجد قاصي وداني
اخوان وأول بالمغازي بلانا
وبالمملكة ننعم بأحلى زماني
في ظل أبوفيصل وتحت أُمرانا
فهد الفهود وللوطن به حناني
ودرع على حدود الوطن ما يدانا
وعبدالله اللي للوطن ما يواني
ولي عهد الخير خيره رفانا
وسلطان أبوخالد ملك له مكاني
في قلب كل سعودي له مكانا
ونايف وأحمد باللحظ والثواني
يرعوننا من شان نسكن بأمانا
بالمملكة شورى وشرع وضماني
وبالمملكة فرض وقرض ابنيانا
بالمملكة زرع وطلع يعاني
تاكل نما ثمرك وتاخذ إعانا
ما ينحصي خير الوطن في لساني
الله يجيرك يا الوطن من عدانا
وطن وطن حق الوطن ما يهاني
نفداه بالأرواح ليا من دعانا
فهد,, فهد لاشتد حبل السواني
بالفعل والتخطيط والفكر بانا
وصلاة ربي عدّ حيٍّ وفاني
على شفيع الناس بالامتحانا
