يوم الوطن ياكبر قدره ومعناه
يوم وقف له باحترام,, الزماني
غيّر مسيره بالجزيرة ومجراه
صقر الجزيرة يالله المستعاني
عقب التناحر والفتن والمعاداه
ليم شمل شعبه وصاروا اخواني
وعنها الفقر والذل والظلم عداه
رغد وامان وعز عقب الهواني
يوم الوطن ياحي ذكره وطرياه
يوم توحد فيه هاذا الكياني
لملم شتات اجزاه والتمت اجزاه
عبدالعزيز محقق اغلى الاماني
كوّن بفعله ب احدب السيف وارياه
أمّة ودولة واسمها والمعاني
هذي ثمار ارياه وافعال يمناه
دولة له وزنٍ ثقيل ومكاني
على الخريطة وضع حدود مبناه
وحكّم كتاب الله وساد الاماني
يوم عظيم نادرات مزاياه
مامثل شعب المملكة شعب ثاني
يوم الوطن تاريخ نرجع ونقراه
وماكان,, نقرا عنه وشلون كاني
فيه إنتمعن بالنظر وانتملاه
تاريخنا عظيم سيره وشاني
يوم ولد فيه الوطن مانسيناه
الله يرحم خير مؤسس وباني
يوم الوطن يوم عظيم بذكراه
نحييه بعلوم الفخر والتهاني
ونجدد عهود الوفاء والموالاه
لآل السعود معربين المجاني
