يا مسافر قبل ماترحل بدوني
وتختفي في زحمة الدنيا الكبيرة
ردّ لي قلبي وخِذ مني عيوني
والوداع أن كانها المرّة الأخيرة
آه ياحزني عليك ويا شجوني
حزنٍ اعمى حزن ماهو مثل غيرة
خلني أغمض على صدرك جفوني
واحلم اني بحلم لحظاته عسيرة
واحضنك ياجنة القلب وجنوني
لحظة التوديع للعاشق مريرة
باكر اليا اقفيت واحتارت ظنوني
وكل واحد صار ياخلي بديرة
تنسى اسمي وتنسى وجهي وتنسى لوني
وتنسى حتى عش الاحلام الصغيرة
آه يامن كنت بالشدات عوني
ان بكيت دماي لك ماهي كثيرة
والله ما يملي مكانك يالحنوني
لا الفضا الواسع ولا الدنيا الكبيرة
أوف مدري ليه دايم ياعيوني
أجمل الأيام ماتبطي قصيرة
