أجامل واتظاهر بالسعادة,, واجحد جروحي

ولا أبغى جرح روحي للعرب يظهر وينشافى

أمثل ضحكة الفرحة,, وصدري قدره يفوحي

وأقول بخير ومعافى,, وأنا مانيب متعافي

صبرت,, وطال صبري,, مير ما فالصبر مصلوحي

نفد صبري,, وجوّي فالهوى مهوب لي صافي

بتالي الوقت,, جرح الشوق زاد وصار مفضوحي

بعد طول الصبر,, بيّن بروحي شرّها الخافي

ياروح الروح,, جرح الروح,, أبيه يروح عن روحي

ترى طول الجفا,, بذ الخفا,, ياالصاحب الجافي

عجزت أطرد هواجيسي,, وعيا همي يروحي

هجوسي صارت فراشي,, وهم افراقك الحافي

حبيبي,, كيف تترك خافق يغليك مذبوحي

وتخون الخافق اللي بالغلا,, مع حضرتك وافي

تصيح الجرح ياروحي,, طموحي تسمع وتوحي

تطالبك الجروح اللي تفوح,, بعدل وانصافي

ترى طول الجفا,, بيّح جروح الروح ياروحي

ومن جفواك,, ياالجافي,, تبيّن شرّي الخافي