صدق ظني وزرتيني بعد ما طول غيابك

بعد ماهانت ايامي على عمرك ذكرتيني

بعد ما انكرك وقتك عرفتي قيمة احبابك

بعد ما استيقظ احساسك وتفكيرك فقدتيني

بعد ما تاهت دروبك وكحل حزنك اهدابك

بعد خذلانك احساسي بدمعاتي بكيتيني

بعد ما ضاعت احلامك وضاع الشوق باسبابك

بعد ما حطمك ياسك بعد ياسك رجيتيني

تحسبيني على خبرك اموت اموت واحيا بك

انا لو ما نسيت الود ما انسا انك خذلتيني

ذبل ورد الامل فيني ومات الوعد بترابك

وبقيتي مثل ما انتِ بعيده لو سكنتيني

وكيف يسامحك جرح السنين ورحلة عتابك

خسرتي كل شي ادري ومع هذا خسرتيني