لو العمر يعطى ترى الكل يعطيه,.

في رثاء العم: حمد بن عبدالرحمن الحنطي (رحمه الله)

جاني خبر واجهشت يومي اناابكيه ابكيه من قلبي وحالي عليله لو العمر يعطى ترى الكل يعطيه داني وقاصي يذكره في جميله راعي الوفا والخير بيض اياديه جاهه وماله في تصرف قبيله يبحث عن المكروب ولازم يواسيه ما ينتظر جيات من يشتكي له هو صاحب النخوة لمن جاه ينخيه علم المراجل والشهامة حليله أبرى جروح وكل جرح يداويه مشهود له بالجود عد وثميله سحابة عمت وكل تسقيه واللي تعدى الحوض يسقيه سيله فضله تعدى ديرته هي واراضيه قام وتبرع والعطايا جزيله ساند صروح المجد سلمت خطاويه سباق للواجب بيوم وليله راعي تواضع والبساطه مباديه راعي بشاشة والبشاشة اصيله حسن السوالف والحكم في حكاويه من نسل ابن حنطي قليل مثيله الجوهر الصافي ما يقبل تصفيه تاج على الهامات كل يشيله واعزي الحنطي ونسله اعزيه واعزي العيله وكل القبيله واعزى الارحام والرب يجزيه جنات عدن وارفات ظليله واعزي اصحابه وربعه وناعيه ونفسي اعزيها بفقد الدليله المقبرة ضافت بخلق تواريه حناجر غصت ودمع هميله تطلب له الغفران عرفان بماضيه والمسكن الزاهي وربه كفيله ما له عدو والله ما احد معاديه سالم عزيز الدار راعي الخميله من خلف الممدوح حقق امانيه ومجنب نسله علوم الرذيله خلفت رجل يشبهك في مساعيه يسلم ابو راكان لاهله وجيله شهم وحر يفزع كما ابيه ما يعتذر شال الحمول الثقيله يا الله عسى قبرك وساع مبانيه وله جنة الفردوس دار بديله