ياحمامٍ فوق سور البيت ناح

هيج الذكرى وبيحت الكنين

ابتدا بالنوح يوم الفجر لاح

كدر الخاطر وخلاني خزين

لا تذكرني بمكنون الجراح

لا تجدد جرح في قلبي دفين

كنت اظنه زال من قلبي وراح

واثر جرحك ما تبدده السنين

ياحبيب العمر ياسيد الملاح

زاد شوقي والوله زاد الحنين

ليت من هوبك تهنى واستراح

مير انا بيني وبينك حاسدين

كيف يكفخ طير مكسور الجناح

لا تذكر عثرته جر الونين

كل ليل ياعرب عقبه صباح

الا انا عيا صباحي لا يبين

ول ياوقت ترجيته سماح

قاسي مثل الحجر عيا يلين

لا تحسب ان الهوى لعب ومزاح

الهوى يقتل فؤادك كل حين

مانفع من طاح به كثير الصياح

لو صفالك يوم ياسرعه يشين

ما هي ابكيف السفن تجري الرياح

ذا نصيبي ياعسى ربي يعين

الله اللي نزل الغيث القراح

كل شيٍ كاتبه فوق الجبين