قالوا سهرت وقلت أنا مواعد الشمس
ما نام حتى اشوفها لو بعد حين
قالوا قريبه وقلت ما هي بشمس أمس
شمسي بعيده غايبه من زمانين
شمسي تخفى نورها وأنطمس طمس
وأظلم سماها يوم غابت عن العين
شمسي تجيد مبادل الحب والهمس
واليا بدت لي يصبح النور نورين
عمري بدون اشراقها ينحمس حمس
واليا بدت لي عمري يتمدد سنين
تكوي بنار البعد وتجافي اللمس
وتحجب بغيم احزاب حرب المحبين
دام أحلفت ليه ومدت لي الخمس
ما نام حتى اشوفها لو بعد حين
