وتمر الايام مدري وش جفا غرسي
وتمر الايام وجروحي مثل ماهي
وش ينفع البوح دام الروح ما ترسي
وش ينفع الصدق الاخضر لونه الزاهي
لو الزمن راح زيدي هم يا نفسي
ما تلحقينه مع إنه راهي راهي
وتو النهار انتهى وين انت يا امسي
ضيعت انا الدرب والا الشوك بي لاهي
لا ترتجيني حنان يشفع وينسي
ولا تزهم العطف عذرك دايما واهي
زمان ولى بقمرا ليلي وشمسي
جرح الوفا بي حصيلة عزي وجاهي
باقي من الصوت آخر دمعة بهمسي
وباقي من الدمع حرف بحزن متناهي
يصرخ بي الحرف والدمعة تقول إنسي
يا كيف بانساك وجروحي مثل ماهي
