الكلمة اللي وارده دون مفتاح

وشهو ترى يافلان فيها تظنّه!؟

ياكثر ماتتعب وراها بالالحاح

تطرد ورى مصدر علومٍ محنّه

والعاذل اللي هرجته سمٍ اذحاح

يبقى عليها مقيدٍ,, بالأعنّه

والا ترى العاذل له السان جرّاح

والاتقل دابٍ مشى السم سنّه

ربيع قلبه طعنة الظهر برماح

اشره على اللي يسمع الهرج منّه

يمشي مع الميت,, وله هو ذباح

يالله عسى مثله علومه لفنّه

ومن لاثنى في مقافه لووقف طاح

بين الغلط والصح كنّه,, وكنّه

ودك بعيدٍ عنه لايزيدك اتراح

أبعد من الكفّار عن ريح,, جنّه

حتى يميّز كيف ينصع بالارواح

أبو لسانٍ كل عمره,, يسنّه

واللي يفرّق شمل الاقراب سفاح

ودك بحد السيف راسه,, تقنّه

والا من أعلى قمة (إفرست) ياصاح

تجيبه اقدار الزمن,, يطرحنّه

حتى براكين الألم منه ترتاح

ويرتاح منه الخلق,, إنسه وجنّه