شفت الحبيب اللي على البال طاريه
شفت المحبه في عيونه لهوفه
مزيون محدٍ في عيوني يباريه
لو بان وصفه خاف وخفى وصوفه
خايف يعرفون الخلايق خوافيه
يخفي جماله بس عيني تشوفه
بهديه كل اللي يبيه وبراعيه
بهديه عيني لجل رمشي يحوفه
من نعمة الله يوم شفته عطانيه
واصبح شريكي في سنين عطوفه
حتى الخطاوي تنجرف مع خطاويه
والناس تدري ليه بيض كفوفه
صدوق صادق ما يزل بحكاويه
محلى كلامه يوم تنطق حروفه
له كل غالي وان تدلل بداريه
دام الغرام اللي عطيته يروفه
