نبيع ونشتري والله كريم يقضي الحاجات
ولا مني طلبته دون عبده ما قفل بابه
والا ياالله يا منشي السحايب تغفر الزلات
تروف بحالتي عبدك نهار العرض وحسابه
رحيم يا ودود يا عظيم تفرج الشدات
تجنبنا طريق الشر وتبعدنا عن اصحابه
ليامني دعيتك يا إلهي تقبل الدعوات
ومن يدعيك مخلص ترحمه وتخفف عقابه
والا يا سامع قولي ترا الدنيا لها ميلات
تمسك في عرا التوحيد والمقسوم ترضا به
تحذر من عذاب النار بالتقوى مع الخيرات
ومن طالت سنينه والزمن لابد يمشا به
تذكر هذه الأبيات في الروحات والجيات
نصيحتنا لكم ولا كل من يرمي الهدف صابه
وعسى ربي يوفقنا وتقبل مني تحيات
ومن يبغى طريق الخير له سلم ويرقى به
وصلاة الله على محمد مخرجنا من الظلمات
نبي حارب الكفار وامر بالدين وأوصى به
