أهلاً هلا يا مرحبا بسيد الشهور
شهر تنزل فيه خير التنازيل
تباشروا ضوحة هلاله هل النور
كل فرح بقدوم شهر التنافيل
شهر فضيل دايم الخير مذكور
خلا سواد الليل يوضي قناديل
تجيبك الدنيا تدارج لها دور
يا خير وقت فضلتك التنازيل
هلا هلا باللي يفك قيد مأسور
يا مطول الغيبات جبت التساهيل
هلا هلا يا منفس كرب مقهور
اثلجت صدره عقب ذيك الغرابيل
هلا هلا يا جابر كل مكسور
عميت فضل مثل وبل الهماليل
يا الله يا كاشف ضرر كل مضرور
بدعوة عجوز اوترت تالي الليل
أسالك انا بالطور وكتاب مسطور
يا منزل سجيل من طير أبابيل
أسألك انا كاس مزاجه بكافور
جنة نعيم قطوفها ذل تذليل
اعتق رقاب ساقها الموت لقبور
خضعت لك رقاب على صوت ترتيل
