ياالله ياالمعبود ياخير ديان

مبداي في ذكرك قبل مبتداها

من عز مقداري له العز والشان

ومن هان مقداري عطيته جزاها

ومن لا بغاني ما بغيته ولو كان

روحي لقول ابعد وروحي بلاها

والله ما ارضى بالخطا من أي انسان

امعود نفسي جفا من جفاها

امشي برضايه مرضي فلان وفلان

الا عزيز كلمته ما انعصاها

ولا همني لو قالوا الناس غلطان

الناس نتعب ما وصلنا رضاها

وما اترك خويي ضايق البال حيران

ما دام روحي ما وصلت منتهاها

أنا عضيده حين ضيقات الازمان

وانا ونيسه بالليالي ورخاها

وبعض البشر رميه على غير نيشان

يقطعك ياناس كثير غثاها

ثرثار بالمجلس عسى ماله لسان

يقول كلمة ما درى وش وراها