نشرنا في الأسبوع الماضي لغزا كتبه الشاعر زيد عبدالرحمن الفايز بقول

أنشدك عن رجل ببطن أمه يبات ويظهر الى ماتت عجيب ما يموت له موقع معروف بصدور البنات أسرارهن عنده وهو رجل صموت

وجاءت الحلول كما يلي:

يازيد لغزك واضح علم ثبات وارسلت حله قبل ما وقته يفوت بالطائرة صندوق أسود له سمات لا ماتت أمه باقي ما هو يموت

علي رشيد الرشيد
رياض الخبراء
************

تنشد وأنا اجاوبك فالعلم الثبات واللغز حله ياالسنافي ما يفوت انكانك مسافر على احدى الطائرات صندوقها الأسود تقل جمهاة حوت

الزلفاوي
الزلفي
************

انااشكرك يازيد في كل الصفات حكمت لغزك بالمعاني والبيوت رجالكم يسكن بطون الطائرات رجل يسجل كل فعل وكل صوت

خليف راضي الشهري
الرياض
************

يازيد يا راع البيوت المحكمات يا شاعر تحكم جزيلات البيوت الطايرات الها مشاكل خافيات والسر فالصندوق الأسود ما يفوت

صالح سعد مصلح العتيبي
الجبيل
************

مرحبا في لغز محكوم الصفات جابه الفايز بعذبات البيوت اسود الصندوق ما يلبس عبات في بطن أمه هي تموت ولا يموت فلاح عبدالله الودينة يازيد سويت البيوت المحكمات اشهد إنك ماهر بحبك البيوت ندري عن الصندوق وسط الطايرات الأسود اللي سجل الحادث بصوت

متلع حمود البدراني
القصيم هجرة الشايرية
************

عد الليال الماضية والمقبلات أهلاً هلا بأهل الوفا وأهل السموت والى بغيت العلم خذ علم ثبات يا زيد يا جزل المعاني والبيوت اللغز حلّه في جميع الطايرات صندوق أسود لو يموتن ما يموت

خليل الشبرمي إسكان البحرية
الرياض
************

اللغز يالفايز ارموزه واضحات سهل على أهل العرف وكبار البخوت صندوق اسود في نظام الطائرات يخبرك بأسباب الحدث صورة وصوت

سعد بن مسيب العتيبي
************

هات القلم يكتب لهم حل ثبات بنحل لغزك يابن فايز لا يفوت ترى الرجل صندوق سر الطائرات ما دامت أمه فيه عادته السكوت

سعد بن صنهات السهلي
الدرعية
************

يا زيد لغزك كالنجوم الساطعات عليّ يا رجال والله ما يفوت صندوق أسود تاجده بالطايرات يكشف جميع أسرارها بعد السكوت

حماد جزاء هجاج الحنيني
ضرية
************

لغز جميل إن كان حلي له ثبات وإن كان ماذا الحل له خله يفوت أجمل منه على متون الطائرات صندوق للأسرار محفوظة ثبوت

بدر الحزيمي
************

يااللي كتبت اللغز نعطيك الثبات نثبته بالفكر حتى ما يفوت اللغز صندوق بوسط الطائرات يكشف لك الاخبار والعلم الثبوت

فرحان شعيب الرشيدي
الرياض
************

يازيد يا راعي البيوت المحكمات يا اللي نظم شعره بمحكمة البيوت أنا عرفت الحل بالعلم الثبات على أنا لغز الجزيرة ما يفوت صندوق أسود في صدور الطائرات عند الحوادث مالها غيره ثبوت

مسفر بن محماس الدوسري
الرياض الكلية الحربية
************

اللغز حليته لكم حل ثبات ان كان صاحب الحل برق بالبيوت صندوق أسود في نحور الطائرات أسرارهن عنده وهو رجل صموت

محمد عبدالله مطر الرويس
الدوادمي مصده
************

ياالشمري يازين حل الكايدات لغزك دفين مير عندي ما يفوت صندوق أسود كاشف للطائرات يسجل أسباب الخلل همس وصوت

عبدالله ناصر الفايز
الزلفي
************

قال من يبني بيوت محكمات ويصخر الألحان في عذب البيوت يمتلك للحل مضمون وثبات وحل صعب اللغز ما ظنه يفوت أسود الصندوق وسط الطائرات وان حصل تفجير لامه ما يموت

شليويح بن نواف بن رمال الشمري
منطقة الحدود الشمالية
************

عشت يا راع اللغوز المعجزات حل لغزك ما نشوفه بالبيوت ظني انه ساكن بالطايرات يسجل الأحداث كله ما تفوت الصندوق الأسود هو حله ذا ثبات يخزن الأصوات وهو بدون صوت

فيصل فضي الشملاني العنزي
الرياض
************

اللغز ياالفايز وصوفه بينات أنا اشهد إن يازيد لغزك له ثبوت صندوق الأسود دوم وسط الطائرات ثم يحفظ في مخزنه تسجيل صوت

جابر الدوسري
محافظة ضرماء
************

ياالله يا علام غيب المقبلات يا سامع باليم من ذا لنون صوت انك تغيث بلادنا بالمرزمات سبعين ملي وبلهن وثنين فوت بارض تشوف اليازها فيها النبات يازين نبت فياضها عقب الوقوت والحل صندوق بجوف الطايرات ينشد عن اللي حالهم صمت وسكون احكام رب الكون ما عنها فوات لاجا القدر ما عنه مخلوق يفوت

علي عبدالله الشعلاني
الزلفي
************

حييت يا راع العلوم الوافيات يا مرحبا يا اللي كتب زين البيوت يابيّن الاحجار الكريمة والحصاة والحر شكله ينعرف من دون صوت والصدق يا حلوة تقل سكر نبات والكذب حبله مثل خيط العنكبوت يا شاعر للغزه على المعنى ثبات ما يشبع الصندوق الاسود بطن حوت

محمد عبدالكريم الغزي
الزلفي
************

يا زيد عز الله بيوتك وافيات يا شاعر تصخر صعيبات البيوت الله يفكك من صقوط الطايرات وصندوقها الاسود ومن عين النحوت

سعود بن شنار السهلي
الدرعية
************

لغز التراث اليوم في كل الجهات وأبسرع إبردي قبل وقته يفوت يازيد مني ياصلك علم ثبات بابيات شعر عوضت صوره وصوت صندوق يرصد ما حدث للطايرات ينطق ويشهد من بعد فوت وموت

فهد بن عقيل الطويان
بريدة
************

يا مرحبا ترحيب واللي فات مات وما فاتنا قبل امس بكره لا يفوت في الطايرة من حيث راحت وجات لو ماتت امه ما اعتقد والله يموت صندوق اسود في صدور الطايرات اسرارهن محفوظة به ما تفوت

جهاد المطيري
وادي الدواسر
************

يا زيد ياراع البيوت الوافيات اللغز لو هو صعب عنا ما يفوت حله هو الصندوق وسط الطايرات إلى حصل فيها خلل يثبت ثبوت

محمد متعب الديري
************

يا عريب الجد يا زين الصفات حل لغزك لازم يطلع ثبوت سجلوا حلي ترى ما فات فات حله الصندوق الاسود ما يموت

عبدالمجيد جزاء المغيري
وادي الرشا
************

يا زيد بن فايز هواك الطايرات اللي لهن وسط الفضا عزم وصوت يمشن على متن الهوا متعليات وللسر به (صندوق أسود) ما يفوت

محمد بن حمد البدر
الزلفي
************

الرجل معروف وذا علم ثبات رجل يعاف الما ولا يحتاج قوت للطايرة مصنوع لجل الكارثات يجيب سر احداثها علم ثبوت

أم عبدالله
الطائف
************

لغزك عرفته في بيوت وافيات فيه الصعوبة والفكر صابه شتوت وجاك الجواب اللي لقيته بالثبات ومني لابن فايز ولا يمكن يفوت صندوق اسود موقعه بالطايرات يعطي علوم كلها صدق بثبوت

محمد بن عبدالعزيز الخنيفر
************

ياالله تثبتنا على درب الثبات يا مخرج يونس سلم من بطن حوت اللغز لاجا مكتمل كل الصفات اشفق على حله ولا يمكن يفوت من البرج للكبتن يصير محادثات وليا حصل غلطة على المخطي ثبوت السر فالشريط واللي فات فات يحلل الخبير وضعه صوت صوت

موسم بن سفر القثامي
الطائف
************

قريت بالصفحة بيوت واضحات لغز لابن فايز مسجل بالبيوت والمقصد الصندوق وسط الطايرات أسرارهن بالحيل عنده ما تفوت

شقير بن سليمان الشقير
الزلفي قصيباء
************

ما كبر المسلم وسبح بالصلاة حييت يا بادع جديدات البيوت (صندوق اسود) كان جمعت الشتات ينبيك عن ما صار بشهود وثبوت

فهد الجروان
الزلفي