حيوا معي قمة الأبطال حيوها
حيوا معي قمة الابطال حيوها
قمة ملوك العرب والمعدن الصافي
امانة الحكم شالوها وصانوها
نعم بستة ملوك عدلهم كافي
يمنى بيمنى على الميثاق لزموها
أدوا عليها عهد وايمان واحلافي
مواثق وثقوا بالدين وامضوها
في خدمة اوطانهم وشعوبهم تافي
فالقومة اللي ملوك العز قاموها
قومة فخر للعرب في كل الاطرافي
لا شر لا عين لا محسود شافوها
صفت سيوف العجب والفعل ينشافي
اشدة المجد بالايمان ركبوها
هنا لكم يا ملوك فعلكم وافي
على التضامن وجمع الشمل هنوها
على وفاهم لنا وانّا لهم نافي
لشعوبهم معطيات الخير وفوها
سحبٍ هماليلها بالخير وكافي
أعمال تنطق بها الافعال سووها
بني وتعمير ما يوصف توصافي
في ظلهم نعمة الاسلام راعوها
نرقد وهم لاجلنا بالليل وقافي
خيمة ذرا بالعطا والحب مدوها
مظلة ظلها من فوقنا ضافي
عنا رزايا حياة الضنك شالوها
من فضلهم ما لحقنا جوع واخلافي
على الشريعة حياة الناس مشوها
بالدين والعدل ولّفنا تولافي
شعوبهم بالعطا واللين قادوها
من قدم الطيبة بالطيب يستافي
منا الرضا والوفا والحب نالوها
حقٍ علينا لهم شيمات واعرافي
فالعز بالعز منا اليوم لاقوها
رد الجمايل علينا مثل الاسلافي
ذولا ملوك العرب والناس سموها
كواكب نورها بالليل كشافي
اعدود تشفى ظما من كان وردوها
بصدر يحمل العطايا الكوم باصنافي
يوم اتحد صفهم والوحده أنشوها
عدوهم لا ذكرهم طامع خافي
في وحدة الصف قوة باس عدوها
للسلم سلم وللحراب ياكافي
يااهل الخليج العزيز اليوم شيلوها
إنشودة بالوفا لاهل الوفا تافي
والقمة الغالية بالحب لبوها
انتم هدفها وهي لارضاكم أهدافي
ياشعوب كل الخليج اليوم قولوها
الله يوفق مساعي كل الاشرافي
