يا الادمي لا لا تميِّل مما شيك
حذراك من نارٍ تلسن لظاها
الله خلقك أول وله رد تاليك
لا تهتوي دنيا قصيرٍ مداها
لا يخدعك شيطان باطله معميك
احرص ترى عدو نفسك هواها
قدام رب يوم دينه يجازيك
وش حيلتك وش مخرجك من لقاها
ناس بفطرة خلقته يوم تأتيك
وناس على سود النوايا نماها
وخلق لوجه الله تحبه وتغليك
وخلق تعوذ بالولي عن عماها
أغلى المكاسب يوم تحفظ مباديك
في ساعة خافي الصدور اقتفاها
واقلها يوم المجازى تناديك
لحظة ندم ما أحدٍ كسب من وراها
