ما حسبت الحب دربه للهلاك
لين شفته راح بسبابك شهيد
ما ملكت اليأس قبل أملك رجاك
ما حسبت الوقت قبل اصبح وحيد
ما بدامني خطأ هذا خطاك
انت من يجني على حبه أكيد
قلبي اللي باعني يوم اشتراك
تجرحه وارضاك عنده يوم عيد
كيف ذا يرضيك ما كنه فداك
الله اكبر كيف قلبك من حديد
ما اصدق قولتك ظرفك حداك
شوف انا ما ألين لو ظرفي عنيد
الزمن والا انت من غير رضاك؟
شفت انا لك بالهوى طبع جديد
كيف هان الود يا بايع هواك؟
يوم صرت احلى المعاني للقصيد
ما عرفتك يوم شفتك في لقاك
لين سمك سار مع دم الوريد
لا تظن بالكون ما يوجد سواك
فيه من يسواك ما انته مستفيد
واعتبر قلبي من اللحظة نساك
ما بقي لك فيه من حبك رصيد
