هالحين بعد الزعل صرتي تعيبيني

صرتي تقولين ذا عيبك وذا عيبك

الله أكبر عليك إش لون بعتيني

في طي لحظه ظهر ما كان في غيبك

ما تذكرين الوله والشوق في عيني

أيام كنت أعشقك مخدوع في طيبك

كنت أحسب الحب كلمة طهر تبريني

كنت أحسب الود عذري في مطاليبك

كنت أزرع العشق باسمك في بساتيني

واحب كاس الهنا لك في مشاريبك

وياما جريتي بدمي في شراييني

للقلب يا خذك دمي بس ويجي بك

ومن وين ما تنزلي والقلب يهديني

وأقبل هداياه وأفرح بك وأهلي بك

الله يا هو كان الحب معميني

كل المزايا بعيني هي عذاريبك

هالحين بانت وصار النور يضويني

هالحين شفت الحقيقة عن أكاذيبك

شفت الحقيقة وزيف الحب واسنيني

وهاذي النتيجة ثلاث اسنين من جيبك

هالحين حتى الخيانة عايشة فيني

أشوفها فالبشر من يوم تجريبك

العيب فعلك او عيوني تغطيني

والله لا رد ساعة كانت اتجي بك

ويا عل قلب عثيتي فيه يرثيني

أو أني أرثيه لو هو حاول يجي بك

واللى يبيع الندم,, أقول وأوحيني

ذنبه يصيبه وذنبك بأكبر يصيبك