عسى الله يصبرني لمدة شهر واسبوع

على شان بنسى واحد طول اغيابه

لو ان الفراق اللي حصل ما وراه رجوع

أنا عارف اللي ينتظرني من اسبابه

ظروفٍ وراي ومن وراه الأمل مقطوع

ظروفٍ تخلي صاحبه يفقد اعصابه

لعله يمر بظروف حرجة مثل هالنوع

على شان يعرف بعدها قيمة اصحابه

من المستحيل يناسبه غير هالموضوع

مدام الطريق اللي فتح ما قفل بابه

لو انه يطيع الراي يمدي مشى لي طوع

على كثر ما كنت انصحه واتقصى به

لكن اختلاف الراي في داخله مطبوع

قبل لا تعيده كان له راي أولا به

طريقٍ جمعنا وابتدا ولفنا المجموع

يوديه عني ساعة مثل ما جابه

ولا فيه بعده غير اقول الشعر ممنوع

اخافه يحسب اللي كتبته على احسابه