لا تجاملني واحساسي دليل

لا تزيد الجرح كافي مدمعه

يغرق الاحساس بشعور العليل

دام منك الجرح يحرق موجعه

ليه اجامل وانت محسوب الخليل

ومن يجامل من يحبه يخدعه

شرهة الغالين ما فيها خجيل

لو صراحتها تزيل الاقنعة

والغلا ما يوم يملكه الذليل

لو تظاهر به يبين منبعه

من عتابي ضقت وعتابي نبيل

وغررك عاذل بجهلك تتبعه

ما يضير الحر خداع وضليل

والعواذل كيدها ما يخضعه

لو تشابه كل جرح في قتيل

ما فرق موت الضحية مصرعه

لا تظن اني عليه لك جميل

الوفا ماله جماله تصنعه

جيّتك لي واعتذارك لي دليل

انك الغالي ومن روحي معه