جيتي مع غبار الزمن كنك اعصار

يهز بيبان الهوى في خفوقي

جيتي وكنك لي سحابة مع أمطار

يا علها تروي الظما في عروقي

جيتي غريقة في وسط غب الابحار

ورميت من فوق السواري بطوقي

أثرك سحابة صيف للحب تذكار

وقض جروح الليل واغتال شوقي

بردان انا ابغى الدفا واثرك النار

اللي لهيبه احرق اطراف موقي

مثل الفراش اللي عشق شمعة الدار

يبغى الدفا منها ومات محروقي

أصبحت انا في يوم الاحزان بحار

من جرحك اللي زاد قلبي فتوقي

لا تتركي للحزن في قلبي أوتار

تهزها نبرات حبٍ صدوقي