حكم القدر صارت ظروفه عنيده

حاولت أجي للوقت جاني عناده

حبيت أعذل الحب حبيت أزيده

لا الحب طاع ولا قبل بالزيادة

الزرع طاب ولا قبل بالحصيدة

عنها منعوني بين ضد وضداده

اعطيت طرف العين وأعماه بيده

وأعطيت كل الحب ماشي فاده

ما بين أهلها والظروف الشديدة

وما بين دمعة خاطري واضطهاده

لا الهم قابلني ولا الحزن أريده

ولا من فرح عندي ولا من سعادة

أرجي وعد باكر يجيني وكيده

لا جا معي باكر ولا هي بعاده

سل الفراق اطواق رمشه وجيده

بين الجروح وبين هم الوسادة

معها طريد وكنها لي طريده

ورتني الحرمان هذي قراده