هلا بك يا بعد عمر القصيد وشاعر يحكيك

تولم وين ما تبغى قصيد ودوك من داني

مراويح السحاب اللي هبوبه هاجسٍ يغليك

نشاء من قلبي اول ما بدا وارعد على لساني

يغص ابي الكلام اللي تسابق لك يبي يطريك

تقول ان الحروف الكل منها يحسد الثاني

حبيبي والسرور اللي سرابي في سرا ساريك

تواجد به على ساعة وجودك كل وجداني

تحيي بك تحيات المحياء والله يحييك

وتهلي بك هماليل المهلا وانت تلفاني

مشاهد شوفتك غير العيون او ما تشوفه فيك

اشوف الزين حولك ينتثر وتكذب اعياني

تماري بالحلاه من حلو ملحك على حاليك

لقيت الزين معك ابك ايتزين بين الالواني

غدا وجهك جمال اوجيه يوم الحسن ابه ماليك

واخذ حسنك محاسن حسن الحسن بين الاحساني

تبادى بك بداية كل شيٍ فيك وتبديك

وتسكن فيك روحٍ كلها رقة وتحناني

يسامحك التسامح لا سمح ظاهرك عن خافيك

وتخطيك الخطايا لو تجي قدامها جاني

هلا بك وان خلص في الحكي صمتي ترا يحكيك

تولم وين ما تبغى هيام ودوك من داني