عسى الخيال اللي مزونه مراديف
نوه من المغرب على المشرق ساقي
تنزل ثعوله فوق دار المشاريف
هاك الديار اللي به الود باقي
دار الوليف مولف القلب توليف
مولفه توليف سلكٍ دقاقي
اللي تصرف بي تصرف على الكيف
واغرقني ببحر المحبة اغراقي
يا سيف ما له فالجزيرة تواصيف
وإن غاب عن عيني ترى الكون ضاقي
وصحيح لصدفات بعض الصواديف
لو كنت مقفي يلحقنك الحاقي
ما قاله الزنغوب هرج وسواليف
يونس بقلبه مثل ضرب السناقي
من الزمان اللي كما حدت السيف
واحرق هواجيس الضماير احراقي
يالله يا جامع قلوب المواليف
انك عليها لا تعيد الفراقي
