ماني مثل باقي بنات المخاليق
اللي غرور الكون مر وخذاهم
وطبعي بعيد عن صفات المطافيق
اللي مظاهر وقتنا هي مناهم
أنا حياتي عشتها بالتوافيق
طبعي صريحة مايله للتفاهم
ما لف أنا ما دور ولاخاطري يضيق
لا من لقيت اللي شقاتي هواهم
ومن ظنني في عشرته دوم ما اليق
والله لاعافه وادور جفاهم
ومن رادني يلقى سكنه المعاليق
اهديه لو يبغى عيوني خذاهم
بعلمه طبع الهوى والمعاشيق
ولعيونه الثنتين روحي فداهم
صحيح ما أملك جميع المخاليق
لكن كثير اللي جمالي سباهم
