جافاني النوم مدري وش بلا عيني
واظن نفسي من الأيام ملتاعه
واسلي النفس باشعار تسليني
والقلب يخفق وتخفق فيه أوجاعه
في شعري جروح طول الليل تشقيني
ولسان حالي يقول السمع والطاعه
ما كل شربه من الأشواق ترويني
أظما من الشوق ساعة وارتوي ساعة
واهيم في حسرتي والهم يطويني
والقلب ضايع هنا عمره ومرباعه
كله على شان من هو عايش فيني
واذا شراه الخفوق المنكوي باعه
الصاحب اللي بنار البعد يكويني
حتى انكشف مبداه وانكشفت اطباعه
اعيش بعده وحيد ما يخاويني
إلا قصيد حزين,, ونفس ملتاعه
