قولي تطفل قولي اللي تقولين
قولي غرور وقولي اني فضولي
قولي على انسان جاهل ومسكين
قولي أناني لاتصدين قولي
قولي علامك ساكتة ماتردين
ياما نصحني عنك من كان حولي
قولي بصراحة وأبدي الرأي هالحين
قولي علي انسان طبعه ملولي
وأنا بقول اللي بقلبي له سنين
وافرض عليك الراي وابدي ميولي
وأظهر عيوبك دام صرتي تناسين
مابك وفاء مابك حياء كل ذولي
هذي النهاية وش بقى بعد ترجين
شمت فيني حاسدي والعذولي
يابنت شوفي باقي الناس تكفين
اللي حكوا لك جو أمس وحكوا لي
قولي تكبر قولي اللي تحبين
هذي طبوعي تسكتي أو تقولي
