لا تحرميني لذة العيش وياك
ولا تجعليني انحرم من حياتي
قلتي وقولك ما يطابق سواياك
الحب له برهان حق وثباتي
ابي ابتعد كله على شان ما أبغاك
تحكم علي بحكم يدني وفاتي
يمكن مع الغيبة تعود بك الأفلاك
وتحسب اللي صار من سيآتي
وتعود لي خاضع وتمحي خطاياك
وتحفظ حقوق الحب باسمى الصفاتي
وتحلف برب الكون والله ما أجفاك
وانك بها الدنيا شريكي بذاتي
وحبك طرات الروح والروح تفداك
وانته لروحي روح روحي وغناتي
يمكن بعد هذا,, انا اقبل برجواك
لا شفت صدق القول بالمفرداتي
والوم نفسي واجعل الحق واياك
وانسى مع الأشواق لوعة اساتي
واداري العبرة وأعود اطلب رضاك
حيث انك الحب الوحيد بحياتي
