جيدك يعذرب كل عقد وقلادة,, عثمان الشهري,, شاعر جميل سبق ان قدمناه في مدارات وها هو اليوم يعيد الكرة بقصيدة جميلة لها نكهة خاصة:

ياللي بقدره فيك نود الهبايب يذوب لا عرّض بحالي براده واختال طرفٍ عن سود الركايب فوق البياض اللي ذبحني سواده هاك الخفوق وخل عنك الطلايب راع النزال محولٍ عن شداده لك سلم لا منك نويت النشايب سبحان رب اعطاك واحرم عباده لا اقبلت مثل الثلج فالشمس ذايب والى ابتسمت النور يجمح عناده والى مشيت بكل خطوة عجايب تخاف جرح الارض؟ والا ركاده والى انحرفت بحالك الليل غايب كساك ثوب ولك لحاف ووساده وتكسر الكلمة لو النطق صايب غير الدلع صارت طريقة وعاده كن الزبادي فوق خديك رايب والنحل من شفتك شربه وزاده لك عنق صيد وفيك كل المصايب جيدك يعذرب كل عقد وقلاده حسنك رفع معنى الحلا للسحايب واخذت لك من كل عين شهاده ياما وياما شفت والشوف شايب لكن حلاك بجد سكر زياده