شفوقه دوم للقيا والى صارت فعقلي فج
حياض الموت توردني وانا ماعيش من دونك
انا ودي تبادلني جنون العاطفة لاهج
وابترك لك عنا قلبٍ شكا اللوعة من عيونك
حبيبي لا لفت الطرف احس بكوكبي يرتج
يغيب الكون من حولي وانا اغرق في ندا كونك
امانة ابعد النظرة ترى ما عاد بيدي سرج
حصان الشوق يجمح بي وابد ما يضيع ظعونك
اعيش لحظة موت ثم اعود ثم اعود اسج
والى منه رجع حسي عرفت اني صدى لحونك
انا ما قوى عذابٍ فيك ولا اقدر بعد آهج
عذاب اللحظتين اكد باني صدق مفتونك
احاول امسك اعصابي ويكثر بعد صمتي هرج
ابخفي ما ظهر مني وازيدك شك فظنونك
صعيبة حالتي ياخل لا صاحي ولا مرتج
افا والله تخليني بعد ماصرت مجنونك
