علم الشاعر هلال بن عوض المطيري عن مرض صديقه الشاعر تريحيب العتيبي فكتب هذه القصيدة:

جاني خبر عنك قالو لي منوم قلت ماباس ماباس والله يابوناصر وعساها خفيفه قلت اتصل فيك من شان اخذ اخبارك من الراس ومن حين هاتفتكم همي غدا منه النصيفه ولو زرتكم راح همي بأكمله لوماله قياس لاشك الانسان كل اللي يبي ماهو بكيفه وقوي الأيمان مثلك يحتسب ليو نس اوناس تكفير سيئات والحسنات تكتب بالصحيفة والعمر يحسب بدقات الخفوق ورد الانفاس والرابح اللي من الفتنة سجلاته نظيفه الفكر يحتار في دنيا تقلب ما لها ساس لو ضحكت طبعها تفرق وليفٍ عن وليفه طراتها يوم ناخذ مع رجال العرف مجلاس مجلس رجال على فنجال وعلومٍ طريفه كنوز ماتوجد الا عند شرواكم من الناس عادة هل الجود ما يقدر لها راع الضعيفه واصدق مشاعر نقدمها لشاعر مرهف احساس وباقه من الورد نهديها ليمناه الذريفه قدامك العافيه تكتب عباره بين الأقواس ولا باس والله يابو ناصر وعساها خفيفه

وقد وصلت القصيدة الشاعر تريحيب بن سويلم العتيبي فأجاب:

اغلى رسالة على الهاتف تسجل فوق قرطاس عبرالفضاء جات والميناء تقبلها رصيفه من كل معنى الوفاء تحمل وقار وتاج ولباس وصفة طبيب القلوب اللي نتايجها مخيفة الوردة اللي وصلني ريحها مع كل نسانس خلت فؤادي وهو منصاب يشفى من نزيفه بامر الذي لاشريك له وعنده علم الاجناس ومنه المرض والشفاء والموت ما عنده كليفه واللي من الله يجي لو كان عند الباب حراس ماحدٍ يرده ملك وآلا نبي وآلا خليفه يا هلال عنك الملام بعيد فعلك فعل نوماس ومعذور من لا تصل واللي تعذر بالوظيفة مذاهب الناس ماصارت سوى والعلم نبراس حنبل ومالك وعلم الشافعي وابو حنيفه علم الحيا تسمع اخباره ولو ما ارسلت عساس وانته من اللي لهم بالمجتمع سيره شريفه تسلم من الباس وعيون الحسود وشر وسواس والله يعافيك في مبدأ مسيرك والنكيفه مشاعر الصدق قيمتها تفوق اللول والماس منها فؤادي بعد ما جاه ما عاده نزيفه