مشاعر ابناء هذا الوطن المعطاء تجاه قادته العظام اكبر من ان يصفها الكلام.
وهذه بعض المشاعر التي صاغها الشاعر ترحيباً بعودة مولاي خادم الحرمين الشريفين من اجازته التي قضاها خارج الوطن.
القصيدة الاولى لشاعر وادي الدواسر الشاعر الكبير عبدالله بن حمير السابر الدوسري إذ يقول:

مرحباً ملياريا بدر الجزيره أسفرت بك وانورت يا أغلى حبيب فيك مولاي ما هيب الكثيره لو عدد لمواج والرمل الكثيب غيبتك ولو ساعةٍ عنا كبيره جعلك الله ما تغيب بشر غيب يا حبيب الشعب يا عزه وخيره مسكنك بالفكر والصدر الرحيب كل فردٍ في الغياب انت بضميره والعيون انت بنظرها ما تغيب يوم غبت الكل ما وقف نظيره ما عليك الدمع يغلى يا لحبيب البشاير في قدومك والبريره وانت يابو فيصل عين القليب فيضها يا عزنا مامر ديره كون ما تصبح بجود الله عشيب نايبك في غيبتك تم المسيره فيه ظنك يابو فيصل ما يخيب جعل يبقى لك ابو متعب ذخيره عضدك اللي ينقل الحمل الصعيب والسند سلطان في جنبه شويره معه يا مولاي بالموقف قريب كل منهم واجب الدوله يديره في تفانٍ ما توانوا به عجيب ما تود وتمتنيه انا بشيره سايرٍ بالزود من طيبٍ لطيب شعبك المخلص كبيره مع صغيره ذا شعوره لك بلا شكٍ وريب معلنٍ لك بالولاء صدق اتعبيره دمت يا مولاي ولزندك قطيب عهد قطعٍ بالوفاء ما نستعيره ما بدا بدرٍ ومسبوقه يغيب سلم جدانٍ لهم لزمه وجيره وحِن نتممها عهودٍ ما تشيب نومنا في ظلك بطيب السريره في امان وعز والخير الخصيب

القصيدة الثانية للشاعر موسم القثامي من محافظة الطائف

عود حميد وفرحة ما لها حدود بالقايد الرايد بعيد الهقاوي يوم تغيبه يا ابيض الوجه مقرود ويوم نشوفك فيه عيد وحداوي يا خادم البيتين يا منبع الجود يا كثر فرحة شعب حر ضفاوي تباشروا اهل الزراعة مع القود واهل المدن واهل القرى والشواوي الشعب اشوفه بالفهد فرحته زود وكم شاعر يصدح بزين الغناوي براع الوطن فرح الوطن وعر ونجود واخضر بشوفه كل شعب سناوي حكيم يحكم قالتك صامل زنود تاصل مواصيل تعدى الحراوي إلك مواقف ما نبي فوقها شهود في خدمة بلادك بذلت القصاوي عدة قضايا منك حلت لها عقود ما قصدك الشهرة لربك رجاوي لو جيت اعددها تبي وقت وجهود ما تنحصي افعال قرم رهاوي في خدمة الإسلام راسي كما الطود نشهد سلاطين الدول للنداوي عون الضعيف اللي من الوقت مضهود وعون الكئيب اللي بلته البلاوي في سفرتك سدوا صناديد وفهود عضودك نهار فيه حرب وعزاوي ما هم بحكام الرخا اكل ورقود اللي فوايدهم حلوم وحكاوي اشبال ضرغام من اسود وتسود عاداتهم بالضيق كسب الدعاوي اقبل تحياتي عدد ذاري النود جندي وطن مخلص ولارضه فداوي

اما الشاعر سعد الحافي فيقول

السحاب اللي ارتكم فوق الرياض قادمٍ بالخير بقدوم الفهد من مخيله انثنى برقه وناض واستهلت لا عصوف ولا رعد يا بشايرها الصحاري والفياض ويا بشايرنا ويا فال السعد جا ملكنا واشهد ان حنا حظاظ رحمة المولى وعم بها البلد الملك راس الملوك بلا اعتراض واشهد انه بينهم وصفه وحد شفت شعبه اشربوا حبه وفاض يفتدونه بالنفوس وبالولد شفت داره كل يوم في انتهاض في تقدم في رفاه وفي رغد صيرميٍ من مخاليبه شواض حاميٍ حده وجيرانه بعد يوم حال الموت من دون الحياض بابيضٍ بتار في كفه ورد رد دوله واحتمى شعبه وغاض كل نفسٍ تمتلي حقد وحسد ما علينا من خليين الوفاض كلهم في كيدهم ماتوا كمد حافظه رب السماوات العراض دعوةٍ يلهج بها شيخ سجد من قلوبٍ تمتلي حب وبياض تستخيل الخير بقدوم الفهد