رأي يسجله شاعر وراد معروف,, ونحن ننشره ليطلع عليه القراء,, تاركين أمر التعليق عليه لهم:

يا ناثرين الشعر وشلون حوقه إلى انتثر وشلون ينحاق حوقوه أنتم نثرتوا له وضاعت عموقه وشعر الحداثه في مكانه وضعتوه وشلون توزينه وعدة طروقه وقافيته وأوزانه اللي بدعتوه عز الله إنه مات قدره وسوقه الله يبيحه وأنتم اللي ذبحتوه من جاء من النعمه يلحس شدوقه سولف بلا معقول وأنتم شكرتوه سوى طواريقه عسى الله يعوقه لا هرج رجالٍ ولا هرج مسفوه من ما طرى لفق كلام يشوقه واصبح على النشره كلامه قريتوه غرتو وجيتو في كلام يفوقه هرج الجنون اللي يقولون جبتوه كل نشر له قصة بمعشوقه وبلشوا بتسميته وبالشعر سموه لاقيل بالفصحى وتعرف حقوقه ولا قيل بالنبط المسمى كتبتوه شعر بغير أوزان وشلون ذوقه بالنثر واللي بالحداثه عرفتوه ناس تشوه له وناس تبوقه وناس تهزابه وناس توطوه جندٍ لدمر الشعر مرخ حلوقه ياناس ياهل الشعر قوموا وفكوه الشعر يطلب نجدة عن عقوقه عزالله إن اللي يغنون عقوه