حاول بوصلك الي يحبك ويغليك

شوفك ادواء روحه وصوتك اغذائها

ياملك قلبي وعيني اتراعيك

ورجل يمك ما يلاتن اخطائها

لامن سمعت اسمك مع اللي يطريك

يفز قلبي وتنثر العين مائها

انشهد ربي من الزين معطيك

سلعه ثمينة سعد منهو شرائها

ياغالين مغلاك مزين تغليك

جمعاك للنفس العليله ادوائها

في وسط قلبي بينات مكاويك

والحقت نفسي في هواكم قصائها

ذبحتني بالصد الله يجازيك

وحالي من الصدات جانها وفائها

احذر تبيع اللي يحبك وشاريك

وحاله من الفرقا تزايد عنائها

لو طالت الايام ما نيب ناسيك

مادم الارض او معتليها سمائها

وارجي عسى لاجاك خطي يصحيك

يفتح لك اوراق قلبك طوائها