يا روح روح سرور يا اغلى المخاليق

ما كل مصدر ينقل اخبار موثوق

لعل ما لامل النمايم توافيق

والله يفكك يا عشيري من العوق

لاهزوا العذال يا خلي طويق

وشفته بعينك يوم يهتز يا شوق

او شددوه بكثرة القيل لبقيق

والضلع شفته صايرٍ نفد وعروق

ما قلبي اقوى منه مافيه تبريق

القلب مضغة يا وليفي بمعلوق

بامكانهم هاك النهار المطافيق

قلبي يهزونه وينساك ويبوق

ودامه محله من حساب الشواهيق

فانت الحبيب وحب غيرك بلا ذوق

هذا وانا والله لا اقوى ولا اطيق

الهرج فيك ولا اتسمع بمخلوق

باقٍ على عهد الهوى والمواثيق

حتى غروب الشمس ياتي لها اشروق