هلا,, كلمة تمناها خفوقي ياغصين البان

ارددها لكل الكون والاحلام تسري بي

هلا,, نغمة تجيني بالحياة وروعة التحنان

ولو يشرق على ثغرك بحرف زال تعذيبي

مع رحلة هواك العذب ترسمني بقايا انسان

ويرميني عنادك في مهب الريح تجري بي

يلملمني الرجاء لا من لقيتك والهوى نشوان

لفيتك والهٍ واخشى من المجهول يودي بي

تجلى بقلبي احساس الوفا يا رحلة النسيان

واقول ارجوك ترحمني كفى جرحي وتغريبي

تحت ظل الرموش اللي خذتني لعالم الحرمان

منحت الدمع لهتون السما عساك تدري بي

اردد كلمة احبك واخيلك عاشق ولهان

يناصفني الطريق,, يقول يا فرحي وتطريبي