لو حاولوا تشويه اسمي تراهم
ما غيروا من طبعي اللي تعرفيه
ابقى على خبرك ولاني وراهم
قدامهم والحر بين مواريه
الله عطاني ميزةٍ ما عطاهم
حبي لفعل الخير والخالق أرجيه
وربي وهبني كره هرجة قفاهم
لو حاولوا طمس الحقايق وتشويه
يا بنت ماني عايشٍ في رجاهم
وراسي لغير الله ماني موطيه
ان كثروا وان قللوا من عناهم
ماني من اللي دايم الحق يخطيه
شاعر واغني للبشر عن اساهم
يا بنت بنت اللي عليه المشاريه
