لنواف بن فيصل عزانا كتبناه
الشعر يبكي والقوافي حزينه
فيصل رحل ونقولها بعد فرقاه
فيك العزاء يا اميرنا شايفينه
الله يرحم شيخنا اللي بكيناه
فيصل جمع كل الخصال الثمينه
نواف بعد ابوك لاتترك خطاه
نوصيك ومثلك بالوفاء عارفينه
فيصل بعد فرقاه نفخر بذكراه
وفرقا كريم الكف بالحيل شينه
كم واحد مطروح من هم دنياه
قضى على همه وغمه ودينه
وكم ضرير جاه يشكي وداواه
و أصبح يشوف النور قدام عينه
وكم معاق جاه فيصل وواساه
وصار الأمل نور يشع بجبينه
وكم يتيم فاقد اهله تبناه
فيصل ابو ناس شملهم حنينه
رعى الشباب ووصله فوق وعلاه
عطاه فيصل مامضى من سنينه
رعاه باخلاص ووفاء وحقق مناه
وكل الشباب بديرتي فاقدينه
وكل العرب ماظن في يوم تنساه
كل بدى يذكر مآثر يدينه
والمسلمين اللي ذكروا من سجاياه
أفعال خير قبل يرحل دفينه
يفعل بسر وجهر صبحه وممساه
طيبه ظهر في كل قرية ومدينه
نواف أبوك المجد جاه وتعداه
في مجد ابوك أمجاد أمة أمينه
يشهد له التاريخ وتشهد سواياه
الفرق واضح بين غيره وبينه
يارب تجعل جنة الخلد مثواه
اللي لفعل الخير عوّد يمينه
نواف يبكي كل حرف كتبناه
والعين تبكي وكل نفس حزينه
