كل موتٍ ياخذ الناس نعتبره عوايد

غير موتٍ فيه الأرواح تبغي تروحنا

يوم قالوا: روحت منه روحه يالسنايد

قلت: روحه روحت منه ولا روحنا

فيصل اللي خلد الوقت مداته حصايد

لين حنا خلد الوقت عقبه نوحنا

كل ما نقرأ عن أدناه تختال النشايد

وكل ما نسمع عن أقصاه يبعد شوحنا

أشعلٍ من ماكر الطيب مدهاله ونايد

ليتني ما أذكر وصوفه عشان جروحنا

ليتني ما أقول يامن مسح دمع القصايد

ومن سمع بوح القوافي ويسمع بوحنا

كل عطرٍ لامس إيديه بايام الشدايد

هبته طرق الرخاوي وقام يفوحنا

مالك الله بالمحاصيل ياجرح الرعايد

غير عشبٍ حمس الوقت فيه مروحنا

ينتحر فيه البختري وتفداه الرشايد

وتنقتل فيه النثايل ويكتب لوحنا

دام فيصل روحت منه روحه يالسنايد

وش عليه: أن روحت عاد معها روحنا