ليت الدموع إللي ذرفته من العين
تطفي لهيب القلب لا واعذابي
قالوا رحل في السبت بين الصلاتين
يا سبت منك العلم ضيع صوابي
تبكي عليه قلوب كل المحبين
فيصل أمير الخير زين الشبابي
قلبه رحومٍ لليتامى ومساكين
ويمناه تبني ما تعرف الخرابي
فيصل أبونواف ابن السلاطين
شيخٍ كريم النفس حسن الجوابي
يا وجهه الطاهر وداعه لنا بين
لا هان وجهٍ صار تحت الترابي
عساه في راحه مع اللي عزيزين
في جنة الفردوس يلقى الثوابي
نواف يا نواف يا قرة العين
لك العزا بالله وحسن الثوابي
هذا طريق للبشر فيه ماضين
دنيا عجيبه مثل لمح السرابي
يا عين كم منها شهدتي وتشوفين
الموت ضيف وطارقٍ كل بابي
هذا الأجل محدٍ يرده باليدين
كل إلى أجله يرد بكتابي
