امطر الروح بوح,,وعايش امر الجروح
انفعل بالفلا,,واغضب,,وابين غلاك
وزع الطيش,,وابن من الحماقة صروح
غيّر اكثر معالم واقع اللي هواك
حب يعيش يومه,, مثل ماجا يروح
ماتفاعل,,ولاولع بناره حشاك
اكره الحب هامد,,مالهيولاه روح
واكرهه لارتدى الروتين ثم ارتداك
كان مالوجد يغلي,,والمشاعر تفوح
والف رغبة تغوص اعمق مدار الهلاك
سم حبك غلا,,والاشفاقة نصوح
كان مسه ماسمم لهجتك واعترك
حب يخلي الاشيا تعيش الوضوح
ساذج,,بارد الاحساس,,موته مناك
طابع الحب مابين المشاعر نزوح
غيره,,ورصد دايم,,في مطاوي نباك
ينسج احساسك,,ويزرع للابعاد دوح
لين كل العصافير يحويها فضاك
وامطر الروح,,من سامي مشاعرك,,بوح
يزهر بروحي من الحب شيء خفاك