يا وجه من بين الزحام التفت لي

شدك شعور وأجهله شدني لك

قبلك كثير من الوجيه هنفت لي

والقلب من دون البشر حدني لك

دونك خلايق قبل اجي وقفت لي

بالله يا سيد المها عدني لك

احفيت رجلي لك,, ورجلك حفت لي

وراع المثل قد قال قلبك دليلك

لو الخواطر قبل اشوف وصفت لي

ما كنت اصدق كل هذا جديلك

ودنياي لو تثلج عليه دفت لي

واذا قصابي بردها ضمني لك

وعمرٍ قبل لا اشوف وجهك زفت لي

بلا طعم - واقول لي عزتي لك

وسود العيون اللي جرحتني شفت لي

جروح تنادي يالمداوي دخيلك

افتل رجا,, وان نقض الحظ فتلي

عز الله إني يا حياتي قتيلك

ولذا يا وجه بالزحام التفت لي

حرام لو ماجيتني كود اجيلك