عطني من اوقات السعادة ثواني
واعطيك انا لو تطلب الوقت كله
ضاعت سنيني في سراب الأماني
وشط الأمل عجزت عيوني تدله
لا جيت ابعد لحظة في زماني
قام الفرح يبخل عليه بظله
هم السنين القاسيات احتواني
والياس سيفه كل ساعة يسله
عمري معك ما عشت لحظة حناني
كل الحنين لصالحك تستغله
ان كنت عن موعد لقاي متواني
انسى الغرام وبساقي الحب خله
والله ما جيلك لوخفوقي دعاني
ما دام في وصلك خضوع ومذله
عبد المحسن بن فيصل الفرم
