يا عشقي اللي توارت في متاهاته
بكره وبعده وحظي واحتمالاتي
يا ما انتظرتك بليل يرهب سكاته
ما يقطع الصمت غير انفاس حسراتي
في موعدي جيت والعاذل على سباته
وكثرت على الباب روحاني وحياتي
وينك تأخرت صاحبك القطر فاته
والموعد اللي على جسر الزمن فاتي
ونهاري اقبل يجر الوقت ساعاته
وانا من الهم قمت اجر وناتي
كنت اول الحلم واجمل انتصاراته
من لهفة الشوق فضلتك على ذاتي
اما التفت لي وميثاق الغلا هاته
واعطيك حبي وعشقي واحتراماتي
ولا اختصرها وكل له علاقاته
وانا تراني خبيرا في مواساتي
ما انت اول جروح عمري واختباراته
في صبري اجبر على الحرمان عثراتي
