حدك زمانك علي وجيت تبغاني

وقدرت انا وضعك اللي ما تحملته

قلت المحبة وقلت الحب عنواني

وفتحت لك قلبي الخالي وقفلته

ولا انت قبلك كثير اللي تمناني

لا شك ما همني وضعه وهملته

يبقى ولو كلمة حلوة من لساني

اقابله بالصدود وقلبه اشغلته

ثم جيت يمي وعشت بعالمن ثاني

وعشت حبٍ حقيقي ما تخيلته

واصبحت يا سيدي تامر وتنهاني

تامر حبيبي وانفذ كل ما قلته

خدعتني بالكلام احسبك تهواني

احسبك صادق وانت الحب مثلته

ابغا السعادة وصرتي مصدر احزاني

وهذا اللذي منك يالمحبوب حصلته

واليوم ابنساك بس القلب ينهاني

رغم ان حبي حقيقي ما تخيلته