* كتب حمد الشطي
في ظل التزاحم على النشر الذي افرز ألوانا من الكلام لا تحمل من الشعر إلا الوزن والقافية احيانا رأينا ان ما يكتب للنشر ليس كله صالحا لنا في مدارات وتراث الجزيرة فنحن نبحث عن الشعر,
وقد وجدنا وسيلة لم نسبق اليها وهي مجالس الشعراء التي تجمع بين الشاعر والمتذوق,, والمهتم بعيدا عن أنظار الصحافة ولأن المجالس لا يورد فيها إلا ما هو منتقى من القصص والاشعار جديدها وقديمها فقد اخترت هذه الزاوية وسأنقل من خلالها كل ما أراه مهما للقارىء مما يدور في مجالس السمر.
وأول صيد ثمين حصلت عليه من احدى تلك المجالس هذه القصيدة الجميلة للشاعر الرائع ضيدان بن قضعان وهي موجهة الى الشاعر القدير والصحفي المعروف خضير البراق.
وقد سبقه في الرد شاعر آخر سنتحدث عنه في عدد الجمعة القادمة وهذه قصيدة ابن قضعان:

ياخضير لا تشره على العفن ياخضير ترى العفن ما هوب كفو المشاريه لومك على اللي ما يحسب المخاسير النادر اللي كايداتٍ مجانيه شرواك ياريف الخوي والمسايير صميدعٍ شرهٍ بعادٍ هقاويه معربٍ من ساس قومٍ مشاهير ومع طيب ساسه يكسب الطيب بيديه وان حل يومٍ فيه شرٍ بلا خير ماهوب يخلف هقوة اللي هقافيه يرسي ولو جارت عليه المقادير ويثبت الى خان البناخي بناخيه عساه نذره من عيونه مغاوير على الردى يبني حلومه وامانيه هيسٍ يحسب انه غدا سالم الزير ما يدري انه غبن ربعه واهاليه حقايقه كذب وظليمه وتزوير وعلى النمايم كابراتٍ علابيه عايش على راي ادهن السير ويسير ومن خلقته لا سرّ لا امه ولا ابيه فاشل يابونايف بكل المعايير واخير ما تجزيه به,, لا تطرّيه قلته وانا ما همني عمر وعمير واللي سوى ربي ما أخافه ولا أرجيه وأنا يابونايف على علم,, وادير علمٍ تديره,, والعقل عون راعيه والحلم له ياخضير عدة تفاسير والشعر له ناسٍ تفسّر معانيه والعذر لو يحسب على الرجل تقصير فرضٍ ليا اخطى للرجاجيل يبديه وبعض الخطايا تحتويها المعاذير وتدمح وتحسب شبه غلطه وتنبيه وبعض الخطايا ما لها أي تبرير ولا عاد فيها لا لماذا ولا ليه لكن على شان الرجال المناعير يدمح خطا المخطي من الهيه للهيه ولكل قومٍ خلفةٍ يخلف السير وكم خلفةٍ خلي على شان واليه لكن ليامن عادها عقب تحذير واخطى علي بالعمد,, ما الله بحاديه واصبح بحلقي من حساب الازارير وبذّ الخفا,, واطغى غروره تماديه آقف واضيع كل حشمه وتقدير ومن قال ياضيدان ما قالت لبّيه وآصله لو دونه جموع وطوابير وأسوّي اللي ما تمنيت اسوّيه واللي يصير يصير, ويصير ويصير لابو صبيٍّ ما يعادي معاديه والرزق عند الله ولي التدابير ذخرا الذي ما يذخر ريال وجنيه والنوخذه لوما احتسب للاعاصير امداه لا اقفى يقطع الياس راجيه واهل النخل لو حسبوا للعصافير ما تيهوا ماء بيرهم في سواقيه اقولها ياخضير من دون تفكير ولا قتل بيت ألحقته اللي يواليه ما أخذت فالحسبان ذوق الجماهير ولا نويت النشر,, والرد ما أبيه ابي فقط حاجة من خضير لا غير اليا عرف معنى الهدف لا يسميه