محاورة جرت بين الشاعرين عبد الله بن شايق وفيصل الرياحي
* عبد الله:

مرحبا للجميع وللرياحي تحية والتحية وراها علم بين وخافي انت يا شاعر الشعار قايد سرية والسرية لها وقفة قدم وانحرافي

* فيصل:

البقى لك ولأهل المعرفة والحمية والهدف دوب رمق العين والقلب صافي ما يضيق الطريق ولا تطيح المطيه لين تقطع بها الميدان وانت متعافي

* عبد الله:

بين عيد رمضان وبين عيد الضحية عيد ثالث جمع بين القلوب النظافي بين كلمتك ذيك وبين كلمتك ذية بين الاثنين ما نبغي يصير اختلافي

* فيصل:

يا عسى ايامك اعياد وحياتك هنية والمواقف تخلدها السنين المقافي ما امنع القاضي اللي ناظر في القضية والحقيقة تبين بين قافك وقافي

* عبد الله:

خل صدرك وسيع وخل نفسك رضية والليالي وراها غيب والله يكافي ما نبي نتعب الاقدام روحه وجيه يا ثقيل العقل كب العقول الخفافي

* فيصل:

الهدايا كثيرة وانته احسن هدية والسفينة كبيرة ما خذتها المرافي والله لولا العدالة ما نعرف الخطية ما يعيش الغشيم ولا يموت السنافي

* عبد الله:

فيك يا ذيب يطري لي ثلاثين نية لكن اني سريت الليل رجلي وحافي يا خوي ليا كل تذكر خوية اترك الجرة اللي غيرتها السوافي

* فيصل:

السخيف يتلطم يوم هبة سبيه وانت شبيت نار مخمدتها المطافي حولوها البحر واللي عليكم عليه يا ولد شايق ابشرك صارت عوافي

* عبد الله:

هضبة طويق ما اهتزت يا هضبة طميه راعي البشت يضحك بالثياب الرهافي قوم عطني وصية واخذ مني وصية ما يبي لي الياشفت الرجال ارتجافي

* فيصل:

كل واحد من الأسماء ينادي سميه من معه بشت من برد الشتاء لا يخافي ما تكلم معك باللهجة الواقعية حرك الرجل واخذ من الجميع اعترافي