مل قلب يسوقه للغرابيل سايق
ساقه الشوق,, يوم اشتاق شوفة غضيه
خاطري عقبها ماهوب هادي ورايق
من سببها بقلبي نار الاشواق حيه
منك يا نور عيني خاطري دوم ضايق
وقبل اشوفك واعرفك,, ما عرفت الأذيه
وما لترك الهوى ,, للي بلي به طرايق
ليت قلبي,, مثل باقي القلوب الخليه
شف عيوني من دموع المحبه غرايق
حسبي الله عليك,, وأودعت عيني شقيه
يوم ماغيرك احد صار للقلب لايق
ولا خذا العقل غيرك واحدٍ فالبريه
ليه بيني وبينك تزرعين العوايق
وقمتي اتعرضين القلب للمهمهيه
لدّي العين,, قلبي من عنا البعد ذايق
لا تزيدي جروح في ضميري خفيه
