يا كثير المفاتن يا حسين الوصوف

يا جميل تفوق بالحلا والجمال

صرت بين الخلايق بالجمال معروف

من تحدا جمالك خاسر لا محال

ما بعد في حياتي شفت مثلك هنوف

انت سيد العذارى يا شبيه الغزال

لا نظرت الشفايا والنحر والردوف

فز قلبي وعقلي صار فيه اختلال

كل ما قلت سير قلت عندي ظروف

اتحرا مجيك من شهور وليال

وانت تدري وخابر يا ظبي الخشوف

ودي اني اجيك ولا حصل في مجالي

لك محبة بقلبي يا لطيف الكفوف

وفي محبتك ما اسمع كل هرج يقال

دامني مير حي ودام عيني تشوف

ما اهتوي غير شوفك يا حسين الدلال

يا اجمل البيض عايش بين رجوى وخوف

اترجى وصالك وانت صعب المنال

يا الغضي باح صبري والليالي تطوف

مير والله بوصلك ما فقدت الآمال